السلام عليكم ورحمة الله وبركاته
بما ان دخلنا في سنة جديدة فحبيت اليوم اتكلم بالعامي واقول اللي بقلبي واللي شفته
الصراحة اي احد بسنة جديدة يحب يحتفل مع اهلة او اصدقاء
وكل شخص له طريقته بالحفل
بس توصل السالفة لي المصخرة هذا اللي مانرضى عنه
شنو يعني الواحد مايقدر يحتفل الا لمن يشرب ويسكر
يعني لازم يسوي روحة اجنبي ويقلدهم
اهم لهم حفلتهم واحنا لنا حفلتنا
والجرايد تشهد على حالة سكر ومخدرات بطريق المخيمات
وفوق هذا امي واليهال راحو فيلكا تخيلو الساعه 11 امي مسكت اليهال ودخلتهم الشالية اللي مأجرينه
تقولي والله يا امون سكاره اشكره يمشون يمنا وخايفين يسون فينا شي وعلى فكرة كويتيين
ماقول الا لا حول ولا قوة الا بالله
لي متى واحنا على هالمصخرة اللي صايرة بالديرة
لا حسيب ولا رقيب
وناس تمسكهم الشرطة وناس ماتقدر تفكر تمسكهم لأنهم عيال فلان الفلاني
مايدرون ان هالشي حرام والله مايرضى فيه ولا رسوله :(
الله يحمي ديرتنا ...
وكل عام وانتو بخير وان شاءالله تكون هالسنة سنة سعيده علينا بدون هم ولا غم ولا بلاء وكلها افراح
ليست هناك تعليقات:
إرسال تعليق